10 maande!

Jy is 10 maande oud vandag! Ons het jou 1ste verjaarsdag partytjie venue gaan soek en 'n lekker een gekry, jou partytjie is bespreek vir 27 Maart 2010; 10am!

En jy het vandag begin hande klap! Ons is so trots op jou!

Liefde Pappa en Mamma

Een jaar later!

Op my verjaarsdag in 2009 het ons jou op 4D skerm gesien, en hier is jy al 1 jaar later!

Al jou mylpale

**Glimlag: 6 weke
(Jy lag nie sommer hardop nie, so dis 'n moeilike een om te "pin point")
**"Gesels" vanaf September 2009 (dalk vroeër, maar dis die vroegste wat ek kan onthou)
**Eerste happie pappies - 22 Julie (4 maande)
**Rol van maag tot rug - 6 Augustus (4 maande 2 weke)
**Rol van rug to maag - 30 Augustus (5 maande 1 week)
**Sit regop by jouself: Vanaf 6.5 maande
**Tand 1 (regs onder) - 8 November (7.5 maande)
**Tand 2 (links onder) - 4 Desember (8 maande 1.5weke)
**Tand 3 (links bo) - 15 Desember (8 maande 3 weke)
**Tand 4 (regs bo) - 21 Desember (ampertjies 9 maande)
**Tand 5 (links kant) - 28 Desember (9 maande 1 week)
*Onderste twee tandjies**Boonste drie*

**Seil op jou maag vanaf 8 maande (November 2009)
**Kruip op hande en kniee vanaf 20 Desember (net net nog nie 9 maande nie)
**Trek jouself op teen banke, kot, reelings, trallie deur ens. vanaf presies 9 maande (23 Desember)
**Loop met jou walker - 6 Januarie 2010 (9 maande 2 weke)



Ons wag geduldig vir: Tand 6 en jou eerste eie treetjie by jouself!

Pappa verlang!

Hi my seuntjie, vandag verlang pappa baie na jou. Ek het dit sooo baie geniet so elke dag met jou te speel tydens ons vakansie, en nou moet ek weer by die werk sit en verlang. Ek hoor mamma sê jy het baie geval vandag, wel ongelukkig is dit maar deel van groot word en om te leer loop. Ek wens net ek was daar om jou elke keer te vang sodat jy nie vol blou kolle raak en seer kry nie, maar dit maak jou alles net sterker.

Dit reën nou vreeslik hier by die werk, ek nou verlang ek eers baie na jou. Ek wil maar net jou laat weet dat ek ongelooflik lief is vir jou, ek is trots om te sien dat jy so mooi groei en nou 'n regte klein seuntjie word. Dit het so vinnig gebeur, net "nou-die" dag was jy nog 'n babatjie, en nou speel jy al met jou karretjies!

Pappa kan nie wag dat jy groot genoeg is dat ons buite in die tuin kan bal skop en speel nie. Maar alles kom met tyd.

Joshua, ek is lief vir jou en pappa sien jou net-nou.

Kyk hoe groei jy!

Eerste foto op 3 weke, tweede foto op 9 maande en 2 weke... 'n 9 maande verskil!

Son, see, Kersfees en nuwe jaar

Jou eerste kersfees! En die einde van 2009... Sjoe my skat, kan nie glo hoe jy gegroei het nie, soveel dinge wat gebeur het, jy staan nou orals op, het al 5 tandjies en kruip die wereld vol! Jy het al so paar keer geval, bloedmond al 2 keer, bloukolle op die kop, maar dis mos maar deel van groot word se hulle. Dit maak jou sterk.

Ons was vir die eerste keer by die see, jy het sand geeet, in jou oe gevryf, in jou doek gehad, jou neus, jou ore, maar dit was lekker, jy het lekker op die sand gespeel en was bietjie bang vir die water maar darem nie te veel nie. Ons vakansietjie saam met jou was baie lekker, kan nie wag vir die volgende een nie!

Jou eerste kersfees is verby, jy het soveel mooi geskenke gekry!

Ons het lekker die nuwe jaar ingekuier by die oumas en oupas en jy was 'n engeltjie, soos altyd.

Mamma en Pappa is baie lief vir jou choppie!

9 maande!

Sjoe, mamma kon alweer van voor af swanger gewees het, ek kan dit nie eers indink nie! Jy is vandag 9 maande oud, tyd vlieg, maar dit sê ons altyd, maar dit is die waarheid!

Jy het op 20 Desember begin kruip op jou hande en kniee, jou tweede onderste tandjie (links) het op 4 Desember deurgekom, jou eerste bo tand (voor links) op 15 Desember, jou tweede ene op 21 Desember. Die tandjies weerskante van jou voortande skyn albei wit deur die vel en gaan een van die dae deurkom. En vandag was die eerste keer wat jy jouself opgetrek het tot op 'n staan posisie in jou kot!

Hier is 'n foto waar jy "kersvader" speel!