Nr. 10 en 11

So het Mamma jou al die laaste week of wat goed ge-prodol, met die onderste linker kiestandjie wat oppad is, dat ek nie eers agtergekom het dat die boonste regter kiestandjie sommer so in die stilte sy verskyning gemaak het nie.

Jou regter oortjie het vreeslik uitgeloop Dinsdag 25 Mei, so ek reken dit is toe die tandjie gesny het, want toe ek hom gister sien was hy al van so aard dat dit 'n paar dae se groei gehad het. Yeah, ongemerk en sonder probleme, jy slaap steeds deur, al amper vir 'n maand nou.

Die onderste tandjie het dan ook nou gesny gister (29 Mei) nou het jy 11 tandjies. 3 kiestande klaar, 5 om te gaan...

14 Maande!

Vandag is jy 14 maande oud. Sjoe! En vir die eerste keer in 'n lang tyd skryf ek betyds op jou blog. Oor hopenlik 4 maande skuif ons jou na jou eie bedjie (die meer die kot nie) en dan begin ons potty train (tensy jy voor dan wys jy is reg daarvoor) Oor seker so 2 of 3 maande van nou af skuif jy ook na die volgende klassie in die skool, dan is ons darem klaar met die trappe klim vir 'n rukkie!

Vrydag was "oupa en ouma" dag by die skool. Dit was die eerste keer wat die skool so spesiale dag gehou het en dit was maar lekker bedrywig, siende dat al die kinders in die skool (en daar is seker omtrent 200) se oupa's en ouma's daar was. Almal het foto's geneem (ons wag nog dat die skool dit vir ons ontwikkel) en lekker tee en koffie gedrink, terwyl die groter kinders vir al die oupa's en ouma's gesing het. Hulle het ook gesien wat julle in julle klassies doen en hoe dingetjies werk deur die dag. Ouma "Nini", Oupa en Ouma groot (Engelbrecht) en Ouma groot (Lalla) was daar. Oupie en Oumie kon ongelukkig nie daar wees nie, want Oumie se knieg is baie seer, sy gaan volgende week vir 'n operasie, en sy kon nie die trappie klim bo na jou klas toe nie. Oupa "Boeta" was ook by die werk en kon nie daar wees nie, alhoewel ons weet hulle wou almal graag in jou eerste Oupa en Ouma dag deel. Oupa Wiets was ook by die werk. Mamma het gou-gou gaan inloer van die werk af om te kyk hoe dit daar gaan en dit was lekker pret.

Jy onderste kiestandjie is besig om te sny, ek dink nog so dag of twee dan is hy deur, ek kan al die wit puntjies sien deurskyn deur die tandvleis, maar hy het nog nie die tandvleis deurgesny nie. Dan het jy nou al 10 tandjies. Dit is maar lekker seer, mamma kan sien dit is nie lekker vir jou nie, maar ons smeer hom en gee jou medisyntjies en ek hoop maar dit maak dit beter.

Jy loop/hardloop/val ook nou die hele wereld vol, regte klein karnallie!

Jy gesels lekker met almal en om jou laggies en praatjies in die huis te hoor is die beste geluid in die wereld,

Jy word elke dag net ouliker en ons geniet jou so so baie!

Gister het Ouma groot (Spiff) jou hare vir die HEEL eerste keer gesny, jy was baie soet en het doodstil gesit totdat sy klaar was, nou lyk jy sommer weer "splinter nuut" jou kuifie was darem baie lank en het sommer in jou ogies gehang, maar nou is jy weer mooi "getrim"

Mamma werk hard aan jou "scrapbook" en hoop om sommer binnekort jou "jaar 1" boek te laat druk. Dit is lekker om so terug te kyk hoe jy groot geword het. Mens kan nie glo jy was so klein nie, want jy is nou al 'n regte egte mensie... Jy moet lekker slapies, jy is al lankal in die bed, dan speel ons weer more!

Liefde

Pappa en Mamma

Kyk wat het Mamma gekry!

Foto's op my "ou" foon...

'n Foto van jou die eerste aand (ons was nog in die hospitaal en dit was net na 'n voeding), dit was omtrent 2am, Dinsdag oggend (24 Maart 2009) jy was wawyd wakker en het net vir my gele en loer. Dit was ook die eerste keer wat jy jou ogies langer as 'n paar sekondes oop gehou het...

'n Week oud, 30 Maart 2009, regte engeltjie

Ons eerste "grocery shopping" uitstappie

Die eerste keer wat jy 'n dummy gesuig het (5 weke oud)

Een van jou eerste glimlaggies

...'n terugblik in die "argiewe"...

13 maande (bietjie laat)

Jy is nou al vir amper 2 weke al verby die 13 maande merk en Mamma skryf nou eers, ek is mos maar altyd bietjie stadig jong.

Jy is bietjie siek op die oomblik, Mamma het jou probeer dokter die laaste week met alles wat ek al geleer het en al die medisynes wat ons al so met die jaar bymekaar gemaak het, maar dit het nie beter geword nie. Jy is weer baie slymerig, hoes en bring op, neusie toe, keel rooi en seer (faringhitis) en dit het gister gelyk of jy hooikoors het, jou hele gesiggie was sommer rooi en geswel, jy het aanhoudend genies en mens kon sien jou ogies was rooi en jukkerig. Glad nie goed geslaap die naweek nie, Mamma hou niks daarvan as jy nie lekker is nie, want ek kan niks meer vir jou doen nie. Ons was daarom gisteraand ongevalle toe met jou en daar het jy bietjie antibiotika gekry (ek sou graag dat jy nie weer op 'n kurses moes gaan nie) maar nou ja, dit was nodig.

Vandag het jy sommer 5 ure aaneen geslaap van 9am tot 2pm, sjoe! Jy is so pap ek dink daai ou lyfie het die rus nodig. Jy is nog nie reg nie, maar lyk darem bietjie beter.

Jy loop ook nou die hele wereld vol en is al so gemaklik en het jou balans so mooi al geleer. Jy begin nou al hoe vinniger loop dat dit lyk of jy sommer wil hardloop.

Gister het ons die speletjie gespeel waar jy agter die gordyn wegkruip en dan kom jy uitgeloop en dan se jy: "daar's hy"! Dit is so oulik!

Anders gaan dit goed met jou!

Mamma is baie lief vir jou my bokkie!